ذكري؟؟

بأسأل نفسى لنفسى أنتى فين .. .. ؟

تجاوبنى حيرانة مشغولة بأفتش عن نفسى وبأبكى بدمع العين .


تقولى ... بأحمد ربى عطانى وأدانى حب الغير .....

تقولى ... بتسهرنى وبتحيرنى بتشخط فيا وأنا بأفديك بدمع العين

ساكنة فى جنبك وموش سيباك بس فى لحظة بأكون قهرانة بأكرة وقت العيشة معاك

بترهق نفسك طب ما أنا نفسك لية تتعبنى دا أنا شرياك .

وبحنية تطبطب عليا وبكل خجل تتأسف لى بأكون عزراك طب ما أنا نفسك

بضحكة ببسمة بهمسة بذكرى حتى فى عيشتك بأكون وياك .

قلبك صافى بتشرب كاسى وكاس الغير بيبقى معاك بتشرب منة وأنا شايفاك .

طب ما أنا نفسك بأشرب منة وشايلة كل الهم معاك .

وبكلمة هنية بتفرحنى وبتفرح بيا قلبك صافى فى زمن جافى بينسى فية الأخ أخوة .

وبيرمى الواحد منهم كل معانى الحب وراه .. بيسرق ..ينهب .. يكرة .. يقتل

بس اللى فى قلبك غير كدة آة ...

علشان كدة أنا بأمشى بطوعك .. وحأفضل جنبك وموش سيباك.

وحأموت نفسى ببعدك عنى يا مطهرنى بأحلى صلاة..

بس أمانة بكتب ليا ولا لنفسك .. طب ما أنا نفسك موش فهماك ..

لا ... موش ليا لوكان ليا بأسمع همسك فى نص الليل وهمس جميل بيصحينى

وبأحس بنبضة وأنا جواك ..

ده موش ليا ولا علشانى ده لقلب غالى ده اللى أنا حساه ..

شايفة دموعك طافية شموعك عندك سر موش عارفاه .. ده أنا جواك موش فهماك

لأول مرة فى حيرة معاك ..

أوعى تخونى لتضيعنى .. وبرضة معاك موش سيباك حأعيش فى هواك ..

طب ما أنا نفسك وشوقى هواك......

شىء فى خاطرى يدور قررت أن أكتبة فى سطور