عااااجل عااااجل

تذكير بمساهمة فاتح الموضوع :

مرحبا ..

وقبل ما افوت بالموضوع .. بدى احكى انه الموضوع هاد تحليل شخصى منى انا ..

مبنى على حقائق راح اسردها بالموضوع ...

شفتو قديش كلنا الفنا قصص وقديش سمعنا قصص انه ابو عصام تمشكل مع المخرج بسام الملا .. وانه المخرج استبعد شخصية (ابو عصام ) عباس النورى .. من الجزء الثالث .. وخلاها تموت من الحلقة الاولى هيك ..
تعرفو هالمخرج هاد .. بجد بجد انا بحترمه .. عبقرى اخراج لصورة عمرى ما تخيلتها بمخرج دراما اجتماعية عربية .. انه يكون بهاى الصورة ..
اعرفكم ع صورة المخرج اولا ..

شو الى بيخلى مخرج مسلسل مشهور يستبعد بطل اساسى من جزء تالت بمسلسه ؟؟
مش هاد بيكون قلة قيمة للفن السورى وللدراما السورية بشكل عام ؟؟
كمان بدكو تحكو فلوس وما فلوس ؟ استحالة تكون شغلة فلوس ؟ لانه الدراما السورية مدوعة بشكل مباشر من الحكومة السورية وبشرف عليها دائرة كبيرة بالحكومة السورية .
وتعتبر الدراما وصناعة الفن بسوريا من احد اكبر مصادر الدخل الى بتعود على سوريا

كمان لو قلنا انه المخرج انتقص من دور ابو عصام بالمسلسل ؟؟ لو بده هيك .. ما راح يقدر .. لانه بيصير تناقض بين الجزء التانى والتالت .. وبتغير مسار المسلسل كلو ..

الحين نيجى لاول شغلة .. \\
كلنا شفنا هالمشهد الى هو نهاية الجزء الثانى

والى صار انه ببداية الجزء الثالث الراوى قال انه نسيو باقى رجال ومعدات ورجع ابو عصام لمكان المعركة .. واستشهد هناك ... يا سلاااااام ..
ابو عصام ما استشهد .. ابو عصام راح يرجع للمسلسل من تانى .. والدليل .. انه ما جابو اله جنازة .. وما جابو جثته ..
ما بيكون مستشهد ,, بيكون اسير عند الفرنسين ..
وشنتته والعمامة الى بحطها ع كتفه وطرباشه الى جابوها بالحلقة الاولى .. بتكون وقعت منه وهو هارب من الدرك الفرنسى ,.,

والكل فكره انه استشهد لانه اختفى وما بين ..

والمخرج كان قاصد هيك ( بانه يستبعد شخصية ابو عصام بالبداية ) ... ليش ؟؟؟

1- نوع من انواع التشويق والتساؤل تماما متل ما كلنا صرنا نقول ليش ووين راح ابو عصام ؟؟
ومعروف من لمسته الاخراجية هالمخرج ويمكن انتو لاحظتو انه اكتر مخرج بثير التساؤل والحيرة لدى المشاهد .. وبخليك تقعد تتوقع شغلات .. وبالاخر بفقسك وبقلب الك مسار المسلسل كلو .. ودليلى هين .,. انه طول الجزء الاول واغلب الجزء التانى وصطيف كانت شخصيته واحد مسكين شحاد .. وفجأة وبمحض صدفه نكشف انه عميل وخاين .. مع انه ولا ربع مشهد من طول الجزء الاول وتلتين الجزء التالت بين انه صطيف راح يكون بيوم من الايام خاين ..
الغمووووووووووض كان بنتاب شخصيته لصطيف بنفس درجة الغموض لدى هالمخرج الى بجد اسطوورة غموض ...

2- عشان يحسس المشاهد انه هناك تجديد .. وعشان احنا ما نمل انه كل شى متل ماهو .. راح دفع دفعة قوية باول حلقة بالجزء الثالث انه ابو عصام استشهد .. ومن البداية ثار الشكوك عنا انه كيف راح يكون شكل المسلسل بدون ابو عصام وكيف راح تمشى امور عيلته ..!!

3- ليثبت وللجميع انه مخرج مميز قادر انه يكون مرن ويقدر انه يمشى مسلسل كامل بدون بطل اساسى بيه .. هتولى مخرج مصرى او عربى قادر يعمل هيك غيره ..؟!!

4 -. انه عباس النورى ( ابو عصام ) بطل لمسلسل اسمه (ابو جعفر المنصور ) واكيد فى منا تابع حلقات من هالمسلسل .. وشاف شخصيته هناك .. وطبعا شو بتطلب شغل وتعب وارهاق .. يعنى ما راح يقدر يجمع بين اكتر من عمل بهالصورة هاى .

الحين نفوت على تحليل للتصريح الوحيد الى اصدره عباس النورى بشان هالموضوع .

وأكد عباس النوري نفسه بالقول

اقتباس:
"استبعدت وأتمنى ألا يكون رهان من استبعدني خاسراً".
وبس
هاى كل الى حكاه وما رضى يحكى غير هيك تصريح ..

يعنى الرجال بيقول انه يتمنى ألا .. وحطو تحت كلمة ألا خط احمر ..
يعنى الشغلة مجاذفة من المخرج .. برضا ابو عصام ..
وصارت مراهنة .. انه بهيك شغله راح نعطى للمسلسل قيمة فنية ودرامية اكبر واحلى وراح تكون رجعتك للمسلسل يا ابو عصام .. ينحكى فيها بكل مكان بالوطن العربى ..

اوك خلى الناس حاليا تفول انه المخرج مش كويس
وتغلط عليه .. بس هى عادته .. ( عنصر المفاجأة )

شفته الخرسة(زهرة) لما كانت تلد ؟؟ ولما جابو امها الى ماتت ( ام خاطر)
.. وكانها راح تموت ؟
فجاة غير مشاعرك من البكى للضحك لما ولدت بخير وبنفس الوقت كمان حكت وصرخت وصارت تحكى .. لما قالت (إميييييييييييييييه ) وندهت ع إمها ..

الحين والى اهم من هيك

انه جميلة كمان تغيرت .. وفى شخصيات ثانوية تغيرت صح ؟

عشان د الك المخرج انه بالفعل هناك مشاكل
والشغلة مش بس على ابو عصام
وهو بالاصل والحقيقة انه مافى مشاكل .. وهاى حركة من المخرج نفسه .
والامر طبيعى لانه الشخصيات الى تغيرت ثانوية ..
وضرب عصفورين بحجر .. جاب نسوان احلى عشان يجزب الرجال بالوطن العربى
خصوصا بشريفة مرة ابو شهاب ..
وبنفس الوقت عشان د الاشاعات الى هو بالاصل طلعها عن المسلسل وهى كانت فكرته .

كمان فى مشهد .. لما ام عصام .. بتمسك الطرباش الاحمر تاع جوزها (الى على فرض انه استشهد ) .. وبتبوسه لهالطرباش لانه من ريحه زوجها ..
لو فى مشاكل .. المخرج ما بعمل هيك مشهد .. لانه هيك مشهد بيبجل ابو عصام وبيعطيه قيمه .. وبيخلى الجمهور المشاهد .. يتعاطف معاه ويحقد على المخرج .. ويقله ليه بعدته لابوعصام ..

وكمان مشهد معتز لما يحلف يمين ما يتزوج غير لما يمر فترة ع استشهاد ابوه
يييييييي على معتز يؤبشني شو رجال

نهاية الكلام .. صدقونى راح يرجع ابو عصام للمسلسل وما راح يكون مستشهد